Nepal Share Update

हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडिसिएल) ( HIDCL ) ले हकप्रद प्रयोजनको लागि बुक क्लोज मिति तय गरेको छ । कम्पनी सञ्चालक समितिको जेठ १५ गते बसेको बैठकले हकप्रद प्रयोजनको लागि जेठ २८ गते बुक क्लोज गर्ने भएको हो । त्यस अनुसार जेठ २७ गते सम्म कायम शेयरधनीले मात्रै कम्पनीको हकप्रदमा आवेदन दिन सकिनेछन् । कम्पनीले १ बराबर १ अनुपातमा प्रति कित्ता १०० अंकित दरका ११ करोड कित्ता हकप्रद शेयर निष्काशन गर्ने तयारी गरेको छ । हाल कम्पनीले हकप्रद निष्काशन गर्ने मिति भने तय गरेकाे छैन् । हकप्रद निष्काशन गर्न नेपाल धितोपत्र बोर्डले जेठ ९ गते आइतबार अनुमति दिएको थियो । कम्पनीको हकप्रद शेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ । src:merolagani.com  

काठमाडौं : सरकारले नेपाल दूरसञ्चार कम्पनी (नेपाल टेलिकम) को २२% सेयर ग्राहकहरुलाई बिक्री गर्ने भएको छ । अर्थमन्त्री विष्णु पौडेलले आगामी आर्थिक वर्षको बजेटमार्फत टेलिकमको २२% सेयर सेवा प्रयोग गर्ने प्राकृतिक व्यक्तिहरुमा विनिवेश गर्ने घोषणा गरेका हुन् । टेलिकमको स्वामित्व र प्रतिफलमा सेवाग्राहीको पहुँच विस्तार गर्न कम्पनीको मोबाइल, ल्यान्डलाइन र इन्टरनेट प्रयोग गर्ने प्रकृतिक व्यक्तिहरुलाई सेयर विनिवेश गर्न लागिएको अर्थमन्त्रीले भनेका छन् ।  हाल सेवा प्रयोग गरिरहेका र २०७८ पुस मसान्तसम्म थप हुने ग्राहकहरुले सेयर खरिदमा समावेश हुन सक्नेछन् । कम्पनीको सेयर विनिवेश सम्बन्धी विस्तृत प्रक्रिया र सेयर मूल्यको विवरण आगामी असोज मसान्तभित्र तय गरिने अर्थमन्त्रीले जानकारी गराएका छन् । सेयर खरिदमा प्रकृतिक व्यक्तिमात्र सहभागी हुन सक्नेछन् ।

आगामी आर्थिक वर्षको बजेटले अल्पकालीन र  दीर्घकालीन लगानीकर्तालाई छुट्याइदिएको छ। बजेटले अल्पकालीन लगानीकर्तालाई बढी कर र दीर्घकालीन लगानीकर्तालाई कम कर लाग्ने व्यवस्था गरेको छ। बजेटले खरिद गरेको एक वर्षभन्दा कम अवधिमा शेयर बिक्री गर्ने लगानीकर्तालाई साढे सात प्रतिशत र एक वर्षभन्दा धेरै अवधिको लागि शेयर शेयर होल्ड गरी बिक्री गर्ने लगानीकर्तालाई यसअघिकै ५ प्रतिशत पूँजीगत लाभगर लाग्ने व्यवस्था गरेको छ।

  सरकारले आगामी आर्थिक वर्षकोलागि सरकारले कुल १६ खर्ब ४७ अर्ब ५७ करोड रुपैयाँ वजेट विनियोजन गरेको छ ।  सरकारले चालु तर्फ ६ खर्ब ७८ अर्ब ६१ करोड रुपैयाँ पूँजीगत तर्फ ३ खर्ब ४७ अर्ब २६ करोड छुट्याएको छ। प्रस्तुत वजेटको पूर्णपाठ हेर्नुहोस   आदरणीय दिदीबहिनी तथा दाजुभाइहरू , कोभिड-१९ महामारीले सिर्जना गरेको हाम्रो जीवनकालकै सर्वाधिक चुनौतीपूर्ण परिस्थितिको सामना गर्दै नागरिकको जीवन रक्षा गर्न र अर्थतन्त्रलाई गतिशील तुल्याउँदैपुनरूत्थानगर्न सकिन्छ भन्‍ने दृढविश्‍वासकासाथ म आर्थिक वर्ष २०७८/0७९ को आयव्ययको विवरण सार्वजनिक गर्न उपस्थित भएको छु। संविधानको व्यवस्था बमोजिम प्रतिनिधिसभा विघटन भएको हुनाले राजस्व र व्ययको अनुमान संघीय संसदमा पेश गर्न सम्भव भएन।सम्माननीय राष्‍ट्रपतिज्यूबाट विनियोजन अध्यादेश,आर्थिक अध्यादेश र राष्‍ट्रऋण उठाउने अध्यादेश जारी भइसकेका छन्।यीकानूनहरूमा उल्लिखित मुलभूत विषय आयव्ययको वक्तव्यमा समावेश गरेको छु । सन् 2020 को प्रारम्भमा देखापरेको कोभिड-19 महामारीले हाम्रो विकास र समृद्धिको यात्रालाई गम्भीर रुपमा प्रभावित गरेकोछ।कोभिड महामारी र सोको रोकथाम र नियन...